HEALTH : રસોઈની રાણી ‘હિંગ’માં રહેલા છે અનેક ગુણો, અનેક અસાધ્ય બીમારીઓમાં હિંગ લાભકારક

HELATH : રસોઈમાં હીંગને લગભગ દરેક શાક અને કઠોળમાં ઉમેરવામાં આવે છે અને તેનો ઉપયોગ દરરોજ કરવામાં આવે છે. હીંગ ભોજનનો સ્વાદ બદલી નાખે છે.

  • Tv9 webdesk42
  • Published On - 17:03 PM, 23 Feb 2021
HEALTH: Asafoetida has many qualities, asafoetida is beneficial in many incurable diseases
Asafetida

HELATH : ભારતના કોઇપણ રાજ્યમાં જુઓ તો લોકોના ઘરમાં રસોડામાં ઘણા પ્રકારના મસાલા જોવા મળશે. આયુર્વેદની દૃષ્ટિએ આ મસાલાઓ ઘણા મહત્વના છે. આ મસાલાઓ ખોરાકનો સ્વાદ વધારે છે. આ સાથે તેઓ અનેક રોગોમાં પણ ઉપયોગી છે. રસોડામાં રહેલા કોઈપણ મસાલા, પછી તે અજમા હોય, હળદર હોય અથવા હીંગ હોય. આ બધા મસાલા એવા છે કે તેનો ઉપયોગ અમુક પ્રકારના રોગના નિવારણમાં થાય છે.

રસોઈની રાણી ‘હિંગ’
રસોઈમાં હીંગને લગભગ દરેક શાક અને કઠોળમાં ઉમેરવામાં આવે છે અને તેનો ઉપયોગ દરરોજ કરવામાં આવે છે. હીંગ ભોજનનો સ્વાદ બદલી નાખે છે. માત્ર એક ચપટી હિંગ તમારા ખોરાકનો સ્વાદ બદલી નાખે છે, આથી જ હિંગને રસોઈની રાણી કહેવામાં આવે છે. પરંતુ શું તમે જાણો છો કે આ હીંગ તમારા આરોગ્ય માટે અનેક રીતે ફાયદો કરી શકે છે? અમે તમને જણાવીએ હીંગના કેટલાક ફાયદાઓ વિશે.

1.કાનના દુખાવામાં રાહત આપે : શિયાળાની ઋતુમાં વારંવાર ઠંડી લાગવાને કારણે કાનમાં દુખાવો થવા લાગે છે. આ સ્થિતિમાં મોટાભાગે કાનના ટીપાંનો ઉપયોગ કરવામાં આવે છે. પરંતુ જો તમને આ માટે કોઈ ઘરગથ્થું ઉપાય કરવા ઈચ્છતા હો તો તમે હીંગનો ઉપયોગ કરી શકો છો. હીંગમાં એન્ટી ઇન્ફ્લામેન્ટરી અને એન્ટિ બાયોટિક ગુણધર્મો છે, જે કાનના દુખાવામાં રાહત આપવાનું કામ કરે છે. કાનના દુખાવામાં ઉપયોગ કરવા માટે એક વાસણમાં બે ચમચી નાળિયેર તેલ નાંખો અને ત્યારબાદ તેમાં એક ચપટી હિંગ ઉમેરીને ધીમી આંચ પર ગરમ કરો અને ગેસ પરથી ઉતારી લો. જ્યારે તે ઠંડુ થાય ત્યારપછી તેના થોડા ટીપાંને કાનમાં નાખો. આનાથી કાનના દુખાવામાં ઘણી રાહત મળે છે.

2. પેટ સંબંધી સમસ્યાઓમાં રાહત : પેટમાં દુખાવો અને ગેસ થવાની ફરિયાદો ખૂબ સામાન્ય છે. રસોઈમાં હિંગનો ઉપયોગ કરવાથી પેટ સંબંધી સમસ્યાઓ જેવી કે પેટમાં દુખાવો, ગેસ થવો, અપચો થવો, આંતરડા સંબંધી સમસ્યાઓમાં રાહત મળે છે.

3.માથાના દુખાવા માટે અકસીર : માથાના દુખાવામાં હિંગ અકસીર ઈલાજ છે. હિંગમાં એન્ટી ઇન્ફ્લામેન્ટરી ગુણધર્મો હોય છે જે માથાની નસોમાં સોજો ઓછો કરવામાં મહત્વનો ભાગ ભજવે છે અને આનાથી માથાના દુખાવામાં રાહત મળે છે.

4.શરદી, ઉધરસમાં હિંગ અસરકારક : શિયાળામાં લોકોને શરદી અને ઉધરસની મોટી સમસ્યા રહે છે. હીંગમાં રેહલા એન્ટીવાયરસ તત્વો શરદી અને ઉધરસમાં રાહત આપવાનું કામ કરે છે.

5. બ્લડ પ્રેશરને જાળવે છે : હીંગ બ્લડ પ્રેશરને નિયંત્રણમાં રાખવામાં પણ મદદ કરે છે. હિંગમાં રહેલું કોમરીન્સ તત્વ લોહીને પાતળું કરે છે અને શરીરમાં લોહીનું પરિભ્રમણ વધારે છે.

6.ડાયાબિટીસમાં ઉપયોગી : બ્લડ શુગર લેવલ ઓછુ કરવામાં હિંગ મહત્વનો ભાગ ભજવે છે. રસોઈમાં નિયમિત હિંગનો ઉપયોગ કરવાથી ડાયાબિટીસના દર્દીઓને રાહત મળે છે.

7.દાંતના દુખાવામાં રાહત આપે છે : હિંગમાં રહેલું એન્ટી ઓક્સીડેન્ટસ અને દર્દ નિવારક તત્વો દાંતના દુખાવામાં રાહત આપે છે. ગરમ પાણીમાં એક ચપટી હિંગ ઉમેરીને પીવાથી દાંતના દુખાવામાં રાહત મળે છે. દાંતના દુખાવામાં હિંગ અને લીંબુના રસને મિક્સ કરીને પેસ્ટ બનાવીને લગાવવાથી રાહત મળે છે.