VADODARA : બીજા દિવસે ભાજપની સેન્સ પ્રક્રિયા દરમિયાન કોર્પોરેટરો, પૂર્વ કોર્પોરેટરોએ દાવેદારી નોંધાવી

VADODARA : ભાજપના પ્રદેશ નિરીક્ષકો બીજા દિવસે વડોદરા મનપાની ચૂંટણી માટે દાવેદારોને સાંભળી રહ્યા છે. પ્રદેશ નિરીક્ષકોએ વોર્ડ નંબર-3ના દાવેદારોને સાંભળ્યા. અત્યાર સુધી વોર્ડ નંબર 3 માટે 92 દાવેદારો નોંધાયા છે. મહત્વનું છે કે, ભાજપના પ્રદેશ નિરીક્ષકોમાં સ્ટેન્ડિંગ કમિટીના પૂર્વ ચેરમેન પ્રવિણ પટેલ, ધારાસભ્ય સુરેશ પટેલ, પ્રદેશ મંત્રી શીતલબેન સોનીનો સમાવેશ થાય છે.

તો આ તરફ ભાજપની સેન્સ પ્રક્રિયા દરમિયાન છેલ્લી ટર્મના કોર્પોરેટરો અને પૂર્વ કોર્પોરેટરોએ પણ દાવેદારી નોંધાવી. આ કોર્પોરેટરોએ અત્યાર સુધી કરેલી કામગીરી અને વિકાસ કાર્યોના આધારે દાવેદારી નોંધાવી અને નિરીક્ષકો સામે અનેક વિકાસકાર્યો કર્યા હોવાનો દાવો કર્યો.